Mae mewn amgylchedd naturiol gwych - yn agos i’r môr a golygfeydd trawiadol Eryri - ac mae yma sylfaen barod o sgiliau a mynediad da i farchnadoedd. Mae priffordd arfordir yr A55 yn cysylltu Gogledd Cymru â chadarnle diwydiannol y Gogledd, a thrwy Gaergybi i Iwerddon. Mae Penrhyndeudraeth yn cynnig mantais fusnes unigryw arall: yn ddiweddar, mae prosiect mawr sy’n cael ei ariannu gan Ewrop wedi cysylltu 1,500 o gartrefi a busnesau’r ardal â rhyngrwyd band-eang cyflymder uchel. Mae’r ystod o wasanaethau yn cynnwys adfer data, cyfathrebu IP troslais, a hyfforddiant ar-lein.