I gwmnïau sy’n dymuno lleoli yn Technium CAST, mae uchafswm o 16 o unedau ar gael yn yr adain Deori Busnes ar lawr cyntaf yr adeilad. Mae’r unedau sydd ar gael yn amrywio o ran maint o 14 m sg hyd at uchafswm o 93 m sg, ac maent wedi’u dodrefnu â desgiau, cadeiriau ac unedau storio. Darperir pob uned gyda blwch swits integredig, blychau llawr y gellir eu symud yn hawdd wedi’u hadeiladu mewn llawr crog, a bydd ar gael gyda system ffôn Rhyngrwyd Lleisio (VOIP). Rheolir mynediad i bob uned fusnes unigol yn annibynnol drwy system sweipio cerdyn raglenadwy a chyda chlo drws arferol ar wahân. Rheolir mynediad i’r adain unedau busnes hefyd drwy’r system sweipio cerdyn.