- Article title
Sorbet Aur Cothi Yn Nefolaidd Ar Gyfer Dydd Gwyl Dewi- Full article
- Mae dau o gynhyrchwyr yn Sir Gaerfyrddin yn uno i greu pwdin tymhorol arbennig i ddathlu Dydd Gwyl Dewi - Sorbet Aur Cothi.
Mae gwneuthurwyr hufen ia a melysfwydydd Heavenly a Bragdy Ffos y Ffin - ill dau yn enillwyr gwobrau Gwir Flas - wedi dod â’u harbenigedd ynghyd i wneud sorbet o Cothi Gold, cwrw diweddaraf y bragdy.
Daeth y syniad am y cydweithio mewn noswaith ddiweddar a drefnwyd gan Gyngor Sir Caerfyrddin ar gyfer cynhyrchwyr bwyd a diod lleol a pherchnogion bwytai ym mwyty gwobrwyol Y Polyn ger Nantgaredig.
“Cawsom sgwrs dros ginio a chanfod fod gennym lawer yn gyffredin,” meddai Tracey Kindred sy’n rhedeg Heavenly a hefyd Westy a Bistro’r Angel yn Llandeilo gyda Paul ei gwr.
“Rydym eisoes yn gwerthu cwrw Ffosyffin ac yn Heavenly rydym yn hoffi arbrofi felly fe wnaethom feddwl y byddem yn dod â’r ddau ynghyd a pharatoi rhywbeth ar gyfer Dydd Gwyl Dewi.”
Mae ‘Heavenly’ yn adnabyddus am greu hufen iâ unigryw ac arbennig a wneir mewn ‘labordy’ arbennig ar y safle, lle medrant greu unrhyw flas y mae’r cwsmer ei eisiau gyda dim ond 48 awr o rybudd.
Mae’r paratoadau’n mynd rhagddynt ar gyfer Pasg hefyd gydag amrediad o hufen iâ thema yn cynnwys Teisen Grawys gyda Marzipan, Wy Hufennog a phice ar y maen.
Cychwynnodd Bragdy Ffos y Ffin yng Nghapel Dewi yn 2005, pan benderfynodd dau gyfaill Glyn Lenton a Steve Smith, gynhyrchu eu cwrw yn fasnachol.
Yn seiliedig ar fferm laeth, mae’r bragdy bychan yn cynhyrchu amrediad o gwrw go iawn mewn potel a chasgen, yn cynnwys cwrw chwerw euraid blas ffrwythau Cothi Gold, Paxtons Pride, Towy Ale, Three Arches, Dylans Choice a Cwrw Caredig.
“Fe wnaethom gwrdd yn y cinio a phenderfynu fod hwn yn gyfle da i gynhyrchwyr lleol gydweithio,” meddai Steve Smith.
“Y noswaith yn Y Polyn oedd yr allwedd a gobeithio y bydd mwy o gynhyrchwyr lleol yn meddwl am gydweithio ar brosiectau a hoffem ddiolch i Barry Davies o Gyngor Sir Gaerfyrddin a Simon Wright yn Y Polyn.”
Gwahoddir y cyfryngau i weld y sorbet yn cael ei wneud. I gael manylion pellach cysyllter â Tracey Kindred ar 01558 822800
I gael mwy o wybodaeth am gynnyrch cysylltwch â:
Heavenly
Ty Llundain
Stryd Rhosmaen
Llandeilo
Sir Gaerfyrddin
SA19 6EN
Ffôn: 01558 822 800
Cyswllt: Tracey Kindred
Gwefan: www.heavenlychoc.co.uk
Bragdy Ffos y Ffin
Capel Dewi
Sir Gaerfyrddin
SA32 8AG
Ffôn: 07838 384868
Cyswllt: Stephen Smith
Gwefan: www.ffosyffinbrewery.co.uk - Cyhoeddwyd yr erthygl ar:
Cyhoeddwyd yr erthygl ar: 27 February 2008
|
