Bu cynhyrchwyr bwyd o Gymru yn llwyddiannus iawn yng ngwobrau Great Taste, un o brif gystadlaethau bwyd Prydain.
Enillodd 33 o gynhyrchwyr diod o Gymru - o gymharu â 16 y flwyddyn flaenorol - y nifer ryfeddol o 50 gwobr aur rhyngddynt.
Bellach yn eu pedwaredd flwyddyn ar ddeg, caiff gwobrau’r Great Taste, a drefnir gan The Guild of Fine Food Retailers eu hystyried fel gwobrau ‘Oscar’ y sector bwyd da.
Eleni denwyd tua 4500 o gynigion mewn 34 categori o Brydain ac Iwerddon.
Cynhaliwyd y cyfnod beirniadu dechreuol ym mis Mai gyda chynnyrch ar y rhestr fer wedyn yn cael eu hargymell ar gyfer y cylch beirniadu nesaf, a gynhelir ym mhencadlys y Guild yn Wincanton. Mae’r cynnyrch llwyddiannus a ystyrir eu bod o safon dwy neu dair seren yn wynebu cylch beirniadu terfynol yn Llundain.
Caiff y cynnyrch gwobrwyol eu datgelu yn arddangosfa gwobrau’r Gwir Flas a gynhelir yn y London Speciality and Fine Food Fair ar 2-4 Medi.
Mae’r broses feirniadu drwyadl yn cynnwys dros 200 o arbenigwyr o fyd bwyd a diod da gyda cheisiadau’n cael eu profi ar sail arogl, ansawdd a blas.
Bu Cymru yn neilltuol o lwyddiannus yn yr adrannau cig a chynnyrch llaeth. Enillodd cwmnïau o Gymru ddeg gwobr aur am gynnyrch cig yn cynnwys London House Stores o Wynedd; Langfords Welsh Sausage Company, Gwynedd; Edwards o Gonwy; House of Rhug, Sir Ddinbych; Parc Glasfryn, Gwynedd; Trealy Farm Charcuterie, Sir Fynwy; a’r Black Mountains Smokery, Powys.
Enillodd Cymru wyth gwobr aur yn y categori caws a chynnyrch llaeth
gyda Llaeth y Llan, Sir Ddinbych; Trioni Cyf, Sir Benfro; Rachel’s Organic Dairy, Ceredigion; Hufenfa De Arfon, Gwynedd; Caws Ffermdy Teifi, Ceredigion; Dairy Farmers of Britain, Sir Ddinbych; a’r First Milk Cheese Company, Sir Benfro yn llwyddiannus.
Dangosodd Cymru ei sgil yn gwneud pethau melysach hefyd, gan ennill saith gwobr aur yn y categori jams a chadwolion gyda Welsh Lady Preserves o Bwllheli; Home Made Country Preserves a Miranda’s Preserves y ddau o Sir Benfro yn ennill aur bob un.
Enillwyd chwe gwobr aur yn yr adran teisennau, bisgedi a snaciau, gyda Maureen’s Cakes o Sir Gaerfyrddin, Welsh Cottage Cakes o Sir Gaerfyrddin; Clams Hand Made Cakes o’r Fenni a Siwgr a Sbeis o Gonwy oll yn derbyn gwobrau aur.
Dywedodd John Farrand, Cyfarwyddwr TheGuild of Fine Food :
“Mae gwobrau’r Great Taste yn parhau i gydnabod cynhyrchwyr sydd ag awch am fwyd, yn cefnogi eu heconomi leol ac yn annog diwylliant bwyd mwy cynaliadwy yn amgylcheddol. Mae’n wych gweld y nodweddion hyn yn cael eu profi ymhellach yng Nghymru eleni, gyda’r cynnydd yn nifer yr enillwyr.
Dywedodd Norma Barry, Cyfarwyddwr Adran Bwyd a Datblygu Marchnad Llywodraeth Cynulliad Cymru:
“Unwaith eto mae cynhyrchwyr bwyd a diod Cymru wedi profi eu bod ymysg y gorau yn y byd wrth gynhyrchu bwyd da.
“Mae cydnabyddiaeth o’r fath yn sicr o hybu enw da Cymru fel gwir gartref y bwyd arbenigol gorau.”
CYSWLLT: Leigh Roberts (01656) 784377/07739 511466
Leigh Roberts
Coleman Roberts Communications
leigh@colemanroberts.co.uk
www.colemanroberts.co.uk
(01656) 788336/(07739) 511466
