Mair ar Ynys Wen, Seland Newydd

Cafodd Mair dri chap rhyngwladol yn chwarae rygbi dros Gymru, ond yna cafodd anaf i'w phen-glin a roddodd derfyn ar ei gyrfa. Mae bellach yn uwch-swyddog ty yn adran ddamweiniau Ysbyty Treforus, Abertawe lle mae'n awr yn gofalu am anafiadau pobl eraill.

Dychwelodd Mair, sy'n 27 oed, i Gymru y llynedd ar ôl cwblhau hyfforddiant meddygol yn Llundain a threulio amser yn Seland Newydd.

Dywed: "Ar ôl treulio cyfnod yn Llundain a Seland Newydd, rwy'n gwerthfawrogi'r ansawdd bywyd sydd yng Nghymru. Mae'n braf bod yn ymyl fy nheulu yng Nghaerfyrddin a chael byw mewn ardal Gymraeg."

Cafodd ei haddysg gynnar yn Ysgol Gynradd Llangain ac Ysgol Gynradd Brechfa, ac yna aeth ymlaen i Ysgol Gyfun Bro Myrddin, Caerfyrddin, lle pasiodd ei arholiadau TGAU a Lefel A.

Ym 1997, aeth Mair i Ysgol Feddygol Charing Cross yn Llundain, lle bu'n hyfforddi am chwe blynedd i gael ei chymhwyster MBBS - Baglor Meddygaeth a Baglor Llawdriniaeth.

Ar ôl graddio, gweithiodd fel swyddog tyam chwe mis mewn ysbyty yn Ascot, cyn treulio chwe blynedd arall yn cael profiad o lawdriniaethau yn Ysbytai Chelsea a San Steffan.

Yn 2004 cododd ei phac a mynd i Seland Newydd. Ai rygbi ynteu brofiad gwaith a'i denodd yno? Treuliodd Mair bedwar mis yn Dunedin, ar Ynys y De a phedwar mis arall mewn ysbyty bychan yn Whakatane, yn y Bay of Plenty ar Ynys y Gogledd cyn dychwelyd i Gymru yn 2005 i weithio yn Ysbyty Treforus.

Yn ystod ei gyrfa rygbi bu'n chwarae i dîm y Quins Caerfyrddin pan oedd yn yr ysgol ac i'r ysgol feddygol pan oedd yn Llundain. Chwaraeodd i Gymru yn erbyn Lloegr, yr Alban ac Iwerddon yn ystod y tymor 1997-98.