Mae Technium Digidol, sydd wedi’i leoli ar gampws Prifysgol Abertawe, yn cynnwys stiwdio rhith-wirionedd y gellir ei defnyddio ar gyfer cymwysiadau modurol ac awyrofod. Mae’r stiwdio’n galluogi cwmnïau i ddadansoddi data amser real yn rhyngweithiol mewn amgylchedd rhithwir a phrototeipio cynhyrchion yn gyflym iawn o gymharu â dulliau prototeipio confensiynol.

Mae Technium Digidol hefyd yn cynnwys labordy profion electronig Agilent a ddefnyddir i gynllunio a phrofi systemau cyfathrebu electronig perfformiad uchel.

Technium Digidol@Sony

Technium Digidol@Sony yng Nghanolfan Dechnoleg y DU Sony ym Mhencoed ger Pen-y-bont ar Ogwr. Mae Sony yn cynnig pecynnau pwrpasol i gwmnïau Technium, gan gynnwys amrywiaeth lawn o gyngor a gwasanaethau mewn perthynas â chynhyrchu dyfeisiau digidol.  Gall y gwasanaethau hyn gynnwys cynllunio mecanyddol, electronig a thrydanol, cynhyrchu byrddau cylchred, gosod a phrofi cynnyrch, cymeradwyo cynnyrch i safonau rhyngwladol, warysau a dosbarthu a gwasanaeth ar ôl gwerthu.