Cystadleuaeth Technium (Cymru/DU)

Cystadleuaeth Cynllunio Busnes ar gyfer Cwmnïau Newydd a Chwmnïau Deilliedig Technoleg Twf Uchel

Mae Cystadleuaeth Technium yn gystadleuaeth flynyddol ar gyfer busnesau technoleg newydd a busnesau technoleg yn deillio o sefydliadau addysg yng Nghymru a’r DU. Mae’r gystadleuaeth yn cynnwys rhaglen hybu busnes bwrpasol ar gyfer ymgeiswyr llwyddiannus a phecyn deniadol o wobrau ar gyfer y buddugol a’r enillwyr eraill. Mae’r gystadleuaeth hefyd yn rhoi llwybr cyflym i Technium, rhwydwaith canolfannau arloesi Cymru sy’n ymroddedig i gefnogi busnesau technoleg ifanc.

Mae Cystadleuaeth Technium nawr yn chwilio am ymgeiswyr ar gyfer cystadleuaeth 2008/09. Ydych chi’n addas?

Ydych chi’n unigolyn, yn wyddonydd, yn fyfyriwr graddedig, yn gwmni technoleg newydd neu gyfredol sy’n gwneud gwaith Ymchwil a Datblygu?

Ydych chi wedi bod yn masnachu am lai na 24 mis?

Ydych chi am dderbyn cymorth academaidd neu’n derbyn cymorth yn barod?

Ydych chi’n manteisio ar Hawliau Eiddo Deallusol (IPR)?

Oes gennych chi dîm rheoli medrus?

A fyddai gennych chi ddiddordeb mewn derbyn cymorth mewn meysydd fel cael gafael ar gyllid a’i reoli, allforio, cynllunio busnes, marchnata, gwerthu, cyflwyno syniad, IPR ac adnoddau dynol?

Ydych chi’n chwilio am lwybr cyflym i Technium?

Os ateboch chi’r cwestiynau hyn yn gadarnhaol, cysylltwch â ni heddiw yn:

Cystadleuaeth Technium
E-bost: enquiries@technium.co.uk

Linciau Defnyddiol

Ynglwn â Technium
Cystadleuaeth Technium (Rhyngwladol)
Pam y dylech gymeryd rhan mewn cystadleuaeth cynllun busnes

_________________________________________________________________

Prif Noddwyr 2007/08