Bellach ar gael i’w ddefnyddio, mae Llys Gemini yn uned weithgynhyrchu ysgafn modern sy’n cynnig rhyw 4273 metr sgwâr o le gweithgynhyrchu a 552 metr sgwâr o le swyddfa.
Lleolir Llys Gemini o fewn Cam 1 Parc Ynni Baglan. Lleolwyd yr adeilad ar y safle i alluogi lleoliad cam 1 i ehangu 80%, gan gynnwys ehangu’r cyfleusterau i gerbydau.
Brîff y prosiect oedd datblygu adeilad ffatri a oedd yn enghraifft o gynllun da a manylder pensaernïol, wedi’i osod o fewn ardaloedd allanol wedi’u hadeiladu’n gryf, tirlunio deunydd caled a lle i gerbydau, wedi’i amgylchynu gan dirlunio deunydd naturiol.
Llewelyn Lewis Sennik oedd y penseiri a gomisiynwyd i gynllunio’r cyfleuster gweithgynhyrchu, ffrâm dur, un llawr, gan gynnwys bloc swyddfa 2 lawr, gwaith allanol cysylltiedig, maes parcio, iard tryciau a lle storio. Comisiynwyd adran penseiri tirwedd Cyngor Castell-nedd Port Talbot i gynllunio’r gwaith tirlunio deunydd naturiol.
Gwasanaethau
Gwasanaethir yr adeilad gan y prif gyflenwad dwr, trydan a nwy sy’n dod i mewn a gyflenwir gan isadeiledd y Parc Ynni. Bydd gan y gwasanaethau hyn ddigon o allu ar gyfer y gweithredoedd cynhyrchu sydd fel arfer yn cael eu cysylltu â defnydd diwydiannol ysgafn.
Caiff y swyddfeydd/ardal ategol eu gwasanaethu’n llawn, gan gynnwys nifer o osodiadau ynni effeithlon a dosbarthu systemau gwybodaeth. Darparwyd lifft o fewn ardal y swyddfeydd i sicrhau eu bod yn cydymffurfio’n llawn â deddfwriaeth mynediad i’r anabl.
Cynlluniwyd a datblygwyd y datblygiad gan gydnabod materion cynaladwyedd ac ymgorffori mesurau arbed ynni.
Mae’r adeilad yn bodloni safonau cynllunio BREEAM presennol.
